Taarifa zinazosaidia
kusimamia group.
SautiLink Pilot huchakata ujumbe ambao Telegram inaiwasilisha ili kutambua links zisizoruhusiwa, forwarded messages na code ndefu za commands kulingana na mipangilio ya group, kisha kutekeleza sheria zake.
Tunachohifadhi
Bot huhifadhi taarifa zinazohitajika kwa moderation: utambulisho wa group na mtumiaji kwenye Telegram, idadi ya makosa, sababu ya hatua, utambulisho wa tukio na hali ya adhabu. Historia hii hutenganishwa kwa kila group.
Maandishi ya ujumbe yanachunguzwa wakati wa kupokea tukio. Database ya moderation haihifadhi nakala kamili za mazungumzo. Jina la mtumiaji linaweza kuonekana kwenye tangazo la adhabu linalotumwa kwenye group.
Rufaa na zana za group
Ukichagua kutuma rufaa, tunahifadhi maelezo unayoandika na uamuzi wa admin ili kuipitia. Maelezo haya yanaonekana kwako, kwa admins wa group husika na kwa waendeshaji wa huduma. Usitumie rufaa kutuma taarifa za siri zisizohitajika kwa ukaguzi.
Mipangilio ya group huhifadhi links au domains ambazo admin ameongeza kwenye whitelist, exceptions za commands, maandishi ya kukaribisha, maelezo ya sheria, maandishi ya ziada ya matangazo na chaguo la zana. Kikagua link huchakata anwani unayotuma bila kutembelea tovuti au kuhifadhi maandishi ya ukaguzi.
Ufutaji wa spam ya commands huhifadhi vitambulisho, muda na matokeo ya hatua bila kuhifadhi code iliyoondolewa. Anti-flood huhifadhi vitambulisho na muda wa ujumbe kwa kuhesabu kasi, bila maandishi yake. Kwa join requests tunahifadhi vitambulisho vya group na mwombaji, muda, hali ya ukaguzi na jibu la hatua fupi ya uthibitisho ikiwa imewashwa. Hatuhifadhi bio ya mwombaji au invite link.
Ripoti na taarifa za matatizo hutumwa kwa admin aliyechagua kuzipokea, baada ya kukagua ruhusa yake tena. Chaguo la kupokea, rekodi ya kutumwa na historia ya mabadiliko ya admin huhifadhiwa ili kuonyesha uamuzi na kuzuia marudio.
Matangazo ya huduma
Groups zinazotumia Pilot hupokea taarifa za bidhaa na maboresho zinazotumwa na mmiliki wa bot. Tunahifadhi orodha ya groups zinazotumia bot na hali ya muunganisho ili kupeleka taarifa hizi kwenye groups zinazostahili kuzipokea.
Mmiliki anaweza kuona historia ya matangazo ya siku 30 zilizopita. Maudhui ya rasimu na rekodi za kutuma za zamani huondolewa kwa awamu kwenye usafishaji uliopangwa; rekodi zikiwa nyingi, kuondoa zote kunaweza kuchukua muda zaidi. Orodha ya groups na hali zake huhifadhiwa kwa muda ambao group limeunganishwa au hali yake inahitajika kuendesha huduma. Hii haihifadhi nakala kamili za mazungumzo ya group.
Lugha na paneli ya admin
Tunahifadhi chaguo la lugha ya mazungumzo yako ya faragha na chaguo la kila group. Kwa admin, tunakumbuka group alilochagua mwisho kwenye paneli ya faragha; rekodi hii yenyewe haitoi ruhusa za admin.
Kwa matangazo ya moderation, tunahifadhi hali ya kutumwa, idadi ya majaribio, muda wa kujaribu tena na aina ya hitilafu. Telegram ikithibitisha kutumwa, tunahifadhi pia ID ya ujumbe. Taarifa hizi husaidia kuonyesha hali na kuepuka matangazo yanayojirudia.
Nani anaweza kuona taarifa hizi?
Wanachama wanaweza kuona matangazo ambayo bot inatuma kwenye group lao. Wasimamizi wa huduma wanaweza kufikia taarifa za moderation kwa ajili ya kuendesha na kurekebisha huduma. Group moja halipewi historia ya makosa ya group jingine.
Kabla ya kuonyesha taarifa za group faraghani, bot hukagua upya kuwa anayeomba bado ni owner au admin wa group hilo.
Muda wa kuhifadhi
Usafishaji wa kila siku huondoa rekodi za updates zilizochakatwa zikiwa zaidi ya siku 7. Taarifa za tukio na matangazo yake huondolewa tukio likiwa zaidi ya siku 30. Group lililochaguliwa kwenye paneli ya admin huondolewa ikiwa rekodi yake haijasasishwa kwa zaidi ya siku 30.
Idadi ya makosa hubaki mpaka admin aisafishe. Chaguo la lugha na mipangilio ya group huhifadhiwa ili huduma iendelee kufanya kazi. Usafishaji huu haufuti matangazo yaliyotumwa Telegram.
Rufaa huondolewa baada ya siku 30 tangu kusasishwa mwisho. Historia ya mabadiliko na rekodi za hatua au taarifa za admin huondolewa baada ya siku 30; alama ya kosa lililorekebishwa hubaki mpaka tukio lake limeondolewa. Maombi ya kujiunga huondolewa baada ya siku 7. Hesabu za anti-flood hutumia dirisha fupi la sekunde na rekodi za zamani huondolewa ujumbe mpya unapofika au kwenye usafishaji wa kila siku.
Orodha ya groups ambayo admin aliwahi kuthibitishwa kuyasimamia husafishwa baada ya siku 180 bila uthibitisho mpya. Kila matumizi bado hukagua uadmin upya. Mipangilio, whitelist, chaguo la kupokea ripoti na lugha hubaki mpaka zibadilishwe kwa huduma iendelee kufanya kazi.
Telegram na Cloudflare
Telegram husafirisha taarifa za bot na kutekeleza kufuta ujumbe au kufungia mtumiaji. Worker na database ya huduma huendeshwa kwenye Cloudflare. Huduma hizo pia zina sera zao za kushughulikia taarifa.
Maamuzi ya admins
Owner na admins wa group, anonymous admins, pamoja na posts zinazoingia automatically kutoka linked channel wanapewa msamaha wa sheria za moderation. Admin anaweza kubadilisha adhabu na kutumia amri ya kusafisha historia ya makosa ya mtumiaji ndani ya group husika.
Maswali au maombi
Kwa adhabu ndani ya group, fungua bot faraghani uone matukio yako na utume rufaa, au wasiliana na admin wa group hilo. Kwa maswali kuhusu huduma au taarifa zinazohifadhiwa, wasiliana na SautiLink kupitia tovuti rasmi.